Kven diggar ikkje Muppets? Og ikkje minst Statler og Waldorf, dei sarkastiske gubbane på balkongen? Som kjend skriv Jason Segel manus på ny Muppet-film for Jim Henson Company, og då han førre veka var gjest på Late Night with Jimmy Fallon for å snakka om sin nye film I Love you, Man, dukka dei to sleivkjefta gæmlisane opp på, nettopp, balkongen.
(Via Slashfilm)
Om du lurar på korleis den genrelle mottakinga av Watchmen så langt har vore, så ta ein tur over til Dekodet, der Bjørn Are Davidsen har googla seg gjennom dagspressa sine vurderingar, så du og eg slepp.
Elles har Charlie Jane Anders hjå den ukrona kongen dronninga av sci-fibloggar io9 samla alle sine artiklar om filmatiseringa i ein gedigen post - der du får svar på kva det skulle vere om filmen.
Og Canada sin framste nerdebloggar, MightyGodKing, har sin eigen, som vanleg astutt observerte, vurdering av filmen; It’s bad.
Men nok reklame for andre; bra eller dårleg, det speler inga rolle, for dette er slik Watchmen eigentleg burde vore:
MTV har eit intervju med Mad Max-skapar George Miller, der den gærne australienaren forklarar korleis Mad Max 4 no endeleg er på veg - som ein anime. Og Mel Gibson? Han er ute. Alt dette, og trailer for Mel Gibson sin nye film, etter hoppet.
(more…)
Det er ikkje meir å seie enn akkurat dét. Her er den nye traileren til McG sin Terminator: Salvation, som sjølvsagt skal vise oss at andre enn James Cameron kan laga gode Terminator-filmar. Han gjer i alle fall ein glimrande jobb med å overtyda meg!
(Via Film School Rejects)
Det er spørsmålet - eller bokstaveleg tala, “Are video games adequately preparing kids for the post-apocalyptic future?” - som The Onion AV Club legg framfor sine debattantar i eit nytt avsnitt av In the Know på Onion News Network.
Endeleg noko fornuftig på dagsordnen, ikkje berre hijabar og piratkopiering og slikt! Med dette ynskjar vi god helg - kos dykk med debatten!
Are Violent Video Games Adequately Preparing Children For The Apocalypse?
(Via io9)
Den siste veka har det skjedd ei røys med ting på underhaldningsfronten som vi burde ha dekka her på Holiday by mistake. No viste det seg at det var enklare å gå på jobb, sjå gamle episodar av “Red Dwarf”, flytte, eller drikke øl, enn å motivere seg sjølv til å få unnagjort litt skribleri. I 2008 hadde eg eit eksperiment der eg kombinerte fleire artiklar til samleinnlegg, og sjølv om eg ikkje kjem til å gjere dette til ein vane (det er ikkje som om eg laga ein ny kategori for dette her - eller, vent…), har eg ein del ting eg ynskjer dela med dykk.
Bli vist vidare til sakar om “Red Dwarf”, Michel Gondry, “Arrested Development”, Joss Whedon om DC, og meir, etter hoppet.
The Middleman var eit friskt pust som blæs gjennom eteren (og torrents) i fjor sommar. I fleire månadar har serien sin lagnad vore uviss - sjølv serien sin skapar, Javier Grillo-Marxuach, vart haldt i mørkret (og er etter alt å døme framleis det), men når det no vert annonnsert at den 13. og eigentleg siste (men uproduserte) episoden skal gjerast om til ein teikneserieroman, vert dette tolka som at kroken omsider er på døra.
Daily Record melder at Linday Duncan, kjend for oss her heime som Servilia of the Junii i “Rome”, Angela Wells i “Spooks”, og ikkje minst stemma til det feminine tilsvaret til C3-PO, TC-14, i Star Wars episode 1: Den skjulte trussel, no er på veg til Doctor Who, som David Tennant sin neste “companion”, Adelaide. Duncan vil vere å sjå i den andre av dei i alt fire spesialepisodane som erstattar vanleg sesong av serien i år - der den fjerde vil vere David Tennant sin siste opptreden som den eksentriske tidsherren frå Gallifrey.
Den fyrste, “Planet of the Dead”, har premiere til påske, problemer under innspelinga til trass.
(via Outpost Gallifrey)
Nei, dette er ikkje eit innlegg om Guillermo Del Toro sin Hobbit-duologi. Derimot handlar det om ein 40-minuttars fanfilm laga for $3000, adaptert frå tillegga i “Ringenes Herre”. Filmen, The Hunt for Gollum, tek for seg Aragorn sin jakt på Gollum pre-”Ringenes Herre”, for å læra løyndomen bak Ringen.
Filmen har premiere online 3. mai, og den fyrste traileren er alt online. Og, bygod, det ser fabelaktig ut. Regissør Chris Bouchard har verkeleg klart å fanga essensen frå Jackson-trilogien, og atpåtil greidd å finna ein skodespelar med den naudsynte visuelle likskapen til Viggo Mortensen.
Nyt traileren etter hoppet (og ja, dei har allereie blitt kontakta om eventuell kinovisning under WT-festivalen i år…).
I dei vêrbitne åsane i Cambria kan ein riktig heldig fotturist kome over eit gamalt, falleferdig og forbodande gardstun. Her, Sleddale Hall som garden heiter, inntok i 1987 eit dedikert filmteam hovudbygget for å lekamgjera skildringa av to arbeidslause skodespelarar som reiser ut på landet for litt sårt, tiltrengt gjenoppfrisking, anno 1969.
Sleddale Hall er den legendariske åstaden for Withnail & I sin sjebnesvangre hytteur (du veit, den som får Marwood (Paul McGann) til å utbryta “We’ve gone on holiday by mistake!” ovanfor “the fucking farmer”). Sjølvaste uncle Monty sin landstad.
Withnail & I burde ikkje vere framand for lesarar av Holiday by mistake. Filmen er delvis sjølvbiografisk frå manusforfattar og regissør Bruce Robinson, og inneheld i tillegg til Sleddale Hall legendariske innspillingstadar som George Harrison sin leiligheit. Filmen er lett mogleg den mest siterte i filmhistoria, som trass i direkte flopp på kino har vakse seg til ein av dei verkeleg viktige kultfilmane vi har.
Garden har i årevis vore gjenstand for pilegrimsferder for Withnail & I-fans, men eit tvangssal i dag såg ut til å kunne bli slutten på heile garden.
Heilt til ein mystisk mann med rufsete hår overbydde alle og bladde opp £265000 for det viktige kulturlandemerket. For det er nemleg det pubeigar Sebastian Hindley ser bygningane, i nærleiken av Shap i Cumbria, som. Hindley legg ikkje skjul på kva han tykkjer om bygget, og eventuelt bruk:
“I see the significance of Sleddale Hall as similar to that of Wordsworth’s cottage on the other side of the Lake District,” (The Times Online)
Han la til at ynskjar å gjere garden tilgjengeleg for fans:
“Before, you used to have to break in if you wanted to stay there. I want to make it accessible to everyone who makes a pilgrimage.”
Så no er det berre å ta med seg sine favorittsitat, ei levande høne, og store mengder alkoholinnhaldig drikke, og leggje i veg til den engelske landsbygda i ein nedsliten Jaguar.
Om då Hindley får lov å la folk overnatta i bygget; det er nemleg i så dårleg forfatning at det i høve britiske bygningsforskrifter ikkje eignar seg for folk, men Hindley skal ha vore klar over dei estimerte oppussingskostnadane på om lag £150000 då han bydde på huset…
NB: Sebastian Hindley eig frå før av gjestehuset Mardale Inn i den nærliggande landsbyen Bampton. Dette er vertshuset Withnail og Marwood vitjar når dei for fyrste gong møter krypskyttaren i filmen!
(Via dodofuglens nebbete notater, Times Online)
Den britiske komikarduoen James Corden og Mathew Horne er endeleg no å sjå i den fulle traileren for sexploitationhorrorkomedien Lesbian Vampire Killers. De hugsar kanskje at vi presenterte teasertraileren for dette kunstverket før jul?
Om mogleg ser filmen enno meir genial ut enn når teaseren kom ut før jul. Regissør Phil Claydon og manusforfattarane Paul Haupfield og Stewart Williams har aldri lagt skjul på at filmen er djupt inspirert av Shaun of the Dead, og britiske slackerkomikk generelt, noko som burde vere tydeleg for alle og ein kvar. Sjå traileren etter hoppet. (more…)
IMDb melder at High School Musical-puddingen Zac Efron, og Dwayne “The Rock” Johnson, er henhaldsvis Jonny Quest og Race Bannon i Hollywoodfilmversjonen av den klassiske teiknefilmserien The Adventures of Jonny Quest.
Det er vel berre å venne seg til at ein etter ein vil våre standarddefinisjonsprogram migrere over til HD. Om ein ikkje allereie har gjort det, då. Men enkelte hopp til HD er kanskje litt mindre forståelege enn andre. At Doctor Who - ein science-fictionserie - har god nytte av å sjå best mogleg ut, kan eg forstå, men er det naudsynt at ein teiknefilmserie som surfar på omlag 80% sjarm, som The Simpsons, visast i HD?
Okkesom har dei teke steget, og i same stund snikra ny opningssekvens, som går på lufta saman med den fyrste HD-episoden i kveld.
Det ser jo veldig flott ut, men nok ein gong set eg spørsmålsteikn ved om det var naudsynt. Sjå den nye introen etter hoppet!
Det er alt for lenge sidan vi rapporterte noko om Bruce Campbell, og vi kan ikkje anna enn å be om orsaking. Det er ingen løyndom at vi her i Holiday by mistake har ein gigantisk statue av Bruce i gull ståande midt i lokalene våre, som vi ber framfor fleire gongar for dagen (vent, har vi lokaler?!), medan vi dronar avgarde på Wayne Campbell-mantraet “We’re not worthy! We’re not worthy!“.
Bruce er framleis å sjå som ex-Navy SEAL Sam Axe i den ypperlege spionserien “Burn Notice” på amerikanske tv-skjermar, og alt ligg an til at serien vert fornya nok ein sesong; både kritikarkoret og sjåarane er skjønt einige om at dette er verdt å få med seg. The AV Club har teke ein prat med Bruce om mellom anna “Burn Notice”, men også ei rekke av dei meir eller mindre tvilsame B-filmane Bruce har spelt i gjennom si nesten 30-år lange karriere. Dette kan også vere eit fint springbrett for dei som treng læra meir om Bruce Campell (hei, Janne!), og hans Awesomeness.
Eg er ein av dei som fann Kill Bill, Vol. II noko skuffande, og Tarantino sitt Grindhouse-bidrag Death Proof bra fram til den faktiske forteljinga tok til.
Ja, eg tykkjer han er frykteleg oppskrytt, men likevel eit geni; det er ikkje å skyve under ein stol kor viktig han har vore for nyskaping i Hollywood. Om ikkje Tarantino hadde kome på bana hadde filmindustrien vore dominert av dansefilmar med Patrick Swayze, det er eg sikker på!
Det er ikkje utan ein viss forventning vi no presenterer teasertraileren til hans nyaste film, som pent kan beskrivast som den stygge, mannevonde lillebroren til The Dirty Dozen. Brad Pitt, Eli Roth, BJ Novak, Mike Myers(!), og Michael Fassbender har hovudrollene i Inglorious Basterds:
Under Berlinalen kom det i går nyhende om at The Dark Knight-skodespelar Aaron Eckhart og legenda Richard Jenkins er på veg inn i Johnny Depp og Bruce Robinson sin filmatisering av Hunter S. Thompson-romanen The Rum Diary. Prosjektet, som har vore ein hjartesak Johnny Depp har slåst for sidan 1999, er endeleg på skinnene att. (more…)
Dr. Cal Lightman er en ekspert på lese kroppspråk. Ved å tolke menneskers såkalte «mikro-uttrykk» kan Dr. Lightman med en gang avsløre om du forteller sannheten eller ikke. Med andre ord er han en menneskelig løgndetektor, langt mer sofistikert og nøyaktig enn noen maskin. Dette er utgangspunktet for serien «Lie To Me», med selveste Tim Roth i hovedrollen. Vi har tatt en titt på de første to episodene. Omtale og videoklipp etter hoppet!
Superbowl - til og med namnet høyrest så erkeamerkiansk ut; det er ikkje godt nok med ein vanleg bowl, den må vere super i tillegg, liksom. Det er ikkje ein gong vits i å gå inn på at dei kallar sporten for “fotball” når det er ein gjeng neandertalarar i liksom-gladiatorkostyme som spring rundt og held på “ballen” (som ikkje er rund).
Men ein ting er vi veldig glade for; spelet er lagt opp etter reklamepausar på tv. Kvifor er vi glade for det, spør du? Det er nemleg då dei store filmselskapa debuterer tv-reklamane for sine største filmar!
Sjå splitter nye trailere for Star Trek, Transformers 2, GI Joe, Land of the Lost, og Fast & Furious etter hoppet.
Ein av filmane eg gledar meg veldig til i år, er Harold Ramis’ sin The Year One. For meir enn éin grunn: Harold Ramis (Groundhog Day) har regien. Gene Stupnitsky og Lee Eisenberg (amerikanske “The Office”, Ghostbusters 3) har levert manus. Judd Apatow er produsent. Og stjernene? Jack Black og Michael Cera (”Arrested Development”, Superbad). Oy gevalt!
Black og Cera er to udugelege steinalderkarar som vert bannlyste frå landsbyen sin, og set ut på ei episk reise gjennom antikken.
I denne sniktitten som vart vist under Superbowl møter dei to bønder ved namn Cain og Abel (David Cross og Paul Rudd).
Oppdatert: Her er traileren, som debuterte under Superbowl i går:
Coming Soon melder at moromannen Dan Fogler har signert for Robert Zemeckis si filmatisering av Berke Breathed si barnebok Mars Needs Moms.
Filmen vil bli produsert i motion-capture, som Zemeckis’ Polar Express, og hans komande adaptasjon av Dickens’ A Christmas Carol.
Berke Breathed er godt kjend for og elska av oss nordmenn som vaks opp med Tommy & Tigern; han er nemleg mannen bak seriane Opus og Outland!
Filmen, som boka, handlar om ein ung gut som ikkje set pris på mor si før etter at ho har blitt kidnappa av marsbuarar, og som då set avgarde for å redda ho.
Slashfilm har også snappa opp saka, og melder i tillegg (frå ei anonym kjelde, vel å merke) at Gore Verbinski sin nye animasjonsfilm Rango, med Johnny Depp og Isla Fisher, er basert på Brethed si hundebok Flawed Dogs! (more…)