Den siste veka har det skjedd ei røys med ting på underhaldningsfronten som vi burde ha dekka her på Holiday by mistake. No viste det seg at det var enklare å gå på jobb, sjå gamle episodar av “Red Dwarf”, flytte, eller drikke øl, enn å motivere seg sjølv til å få unnagjort litt skribleri. I 2008 hadde eg eit eksperiment der eg kombinerte fleire artiklar til samleinnlegg, og sjølv om eg ikkje kjem til å gjere dette til ein vane (det er ikkje som om eg laga ein ny kategori for dette her - eller, vent…), har eg ein del ting eg ynskjer dela med dykk.

Bli vist vidare til sakar om “Red Dwarf”, Michel Gondry, “Arrested Development”, Joss Whedon om DC, og meir, etter hoppet.

(more…)

The Middleman var eit friskt pust som blæs gjennom eteren (og torrents) i fjor sommar. I fleire månadar har serien sin lagnad vore uviss - sjølv serien sin skapar, Javier Grillo-Marxuach, vart haldt i mørkret (og er etter alt å døme framleis det), men når det no vert annonnsert at den 13. og eigentleg siste (men uproduserte) episoden skal gjerast om til ein teikneserieroman, vert dette tolka som at kroken omsider er på døra.

(more…)

Er det noko mannen ikkje vil remake for tida? Red Sonja og Barbarella er båe i planleggingsfasen, båe med Rodriguez sin kjærast Rose McGowan i tittelrollane. Skal ho kanskje spela Predator også?

Rodriguez lagar mange kule filmar, og har sansen for eksplosjonar og blod, men kom igjen, lat oss einast om at å laga ein remake av Predator er ein elendig idé, skaden AvP-franchisen har gjort til trass.

Her er plottet (seriøst, this is it): “In the reboot a team of commandoes face down a mysterious race of vicious monsters.”

Meredith Woerner hjå Io9 har meir, samt sine eigne meiningar om kvifor dette er ein dårleg idé.

Og seriøst, Hollywood, nye idéar snart, takk!!