Ja, tru det eller ei, men sladreblekka (orsak, “tabloid”-avisa) The Sun hevdar faktisk at Zimbabwe-diktator Robert Mugabe, kjend for sine originale humanitære handgrep, sit på originalrullar frå heile fyrste sesong av Doctor Who. BBC manglar brorparten av arkivet sitt frå 60- og 70-talet, grunna den alternative formen for arkivering dei praktiserte den gongen (i.e. mangelen på), men rakkaren i den forhenverande kolonistaten Rhodesia skal altså ha skaffa seg originalrullane som angjeveleg vart send til Rhodesia for syning på 60-talet, hevdar blekka i ei “eksklusiv avsløring” i dag. Og vidare skriv dei at han nektar å utlevere rullane til det han omtalar som “tjuvaktige neo-kolonistar” på diplomatisk grunnlag…

No må det understrekast på det heftigaste at The Sun er svært berykta for å vere den minst pålitelege av dei britiske tabloidene, og alle “avsløringar” dei kjem med må som regel takast med eit billass salt. Men faktum er at BBC manglar 108 av dei 752 episodane av Doctor Who, spesielt frå dei tidlegaste åra, men har lukkast i å gjenskaffe seg eit antal tidlegare tapte episodar frå tidlegare kolonistatar og private samlarar. Så det er ikkje umoglegat dette faktisk er sant, det er berre lite truleg.

Sjekk ut heile saka hjå The Sun, og merk den fine (heller amatøraktige) photoshoppen av Mugabe som Davros.

Daily Record melder at Linday Duncan, kjend for oss her heime som Servilia of the Junii i “Rome”, Angela Wells i “Spooks”, og ikkje minst stemma til det feminine tilsvaret til C3-PO, TC-14, i Star Wars episode 1: Den skjulte trussel, no er på veg til Doctor Who, som David Tennant sin neste “companion”, Adelaide. Duncan vil vere å sjå i den andre av dei i alt fire spesialepisodane som erstattar vanleg sesong av serien i år - der den fjerde vil vere David Tennant sin siste opptreden som den eksentriske tidsherren frå Gallifrey.

Den fyrste, “Planet of the Dead”, har premiere til påske, problemer under innspelinga til trass.

(via Outpost Gallifrey)

Årets sesong av den sexy Doctor Who-spinoffserien Torchwood er på fem episodar, sendt over fem etterfølgjande dagar, på BBC1. Miniserien har fått tittelen “Children of Earth”, og formelen her er jo som reinaste påskekrim for oss nordmenn å rekna - om enn noko oppsexa, og med romvesen. BBC gav i førre veke ut traileren for miniserien (eller “event”, som dei kallar det), men vi låg litt etter med andre ting, og fekk difor ikkje delt den med dykk før no.

Torchwood: Children of Earth HD trailer:

Frå BBC:

“As production begins on Planet Of The Dead, David Tennant records his return to Cardiff. “

*Glede seg*

“Planet of the Dead” går på lufta i påsken, og er den fyrste av i alt fire spesialepisodar før David Tennant overleverer nøklane til TARDIS til Matt Smith.

(via BBC)

Freema Agyeman skal i følge den høgst upålitelege tabloidavisa The Sun venda attende i ein av dei komande tv-filmane av Doctor Who.

“Freema’s on board. It’s early days so it’s unclear what exactly Martha will be up to in the new show,” seier ei kjelde i følgje avisa.

Noel Clarke, som spelte Mickey Smith sidan starten, har også uttrykt ønskje om å returnera om høvet byr seg. “Who would turn down a return to Doctor Who? I love the show and have always supported it. I was there from day one when nobody was sure if it was going to be a hit.”, seier Clarke.

Det er sjeldan eg bryr meg med å rapportera rykte frå The Sun, men dette ryktet verserer i diverse online fora med temmelg god kred, og det at Martha er ein av favorittkarakterane mine frå serien gjer at eg gjerne skulle sjå dette vere sant.

(via io9, DigitalSpy, GallifreyOne)

Fleire kjelder melde ryktet om at Michelle Ryan skal stille som andrefiolinist i Doctor Who tilsynelatande var sant - men ikkje som Matt Smith sin partner.  BBC bekrefta sidan ryktet. I tillegg er det rapportert om at eit anna kjend andlet slår følgje inn i TARDIS.

(more…)

Komikar Catherine Tate opplevde enorm suksess som Doktoren sitt reisefølge i sesong 4 av Doctor Who. Catherine Tate er mest kjend som sine ufordragelege karakterar på The Catherine Tate Show - som tidlegare har “cross-overed” med den gode Doktoren, sjå berre etter hoppet, samt Catherine i Doktoren sine sko, og nye rykte om kven som skal ta turen i TARDIS i 2010. (more…)